بارش کا سسٹم آج پاکستان میں داخل

صوبائی دارالحکومت لاہور سمیت پنجاب بھر میں خشک موسم کا سلسلہ بدستور جاری ہے، تاہم محکمہ موسمیات نے پیش گوئی کی ہے کہ بارش برسانے والا نیا موسمی سسٹم آج رات پاکستان میں داخل ہو جائے گا۔
موسمیاتی ماہرین کے مطابق اس سسٹم کے زیرِ اثر مری، گلیات اور شمالی علاقہ جات میں بارش کے ساتھ برفباری کے بھی واضح امکانات موجود ہیں۔ لاہور اور پنجاب کے بیشتر اضلاع میں بادل تو چھائے رہیں گے تاہم بارش کے امکانات کم ہیں، جبکہ ہلکے بادل بن کر بغیر برسے گزرنے کا امکان ظاہر کیا گیا ہے۔