لاہور میں کفایت شعاری مہم کے تحت ضلعی انتظامیہ نے مارکیٹوں کی بروقت بندش کو یقینی بنانے کے لیے بھرپور کارروائیاں شروع کر دی ہیں۔ ڈپٹی کمشنر کی قیادت میں مختلف علاقوں میں خصوصی ٹیمیں تشکیل دی گئی ہیں جو رات گئے تک دکانوں کی نگرانی کر رہی ہیں۔
انتظامیہ کے مطابق حکومتی ہدایات کی روشنی میں توانائی کے بچاؤ اور نظم و ضبط کو برقرار رکھنے کے لیے کاروباری اوقات کار پر سختی سے عمل درآمد کروایا جا رہا ہے۔ خلاف ورزی کرنے والے دکانداروں کے خلاف جرمانے اور قانونی کارروائی بھی عمل میں لائی جا رہی ہے۔
حکام کا کہنا ہے کہ اس مہم کا مقصد نہ صرف بجلی کے ضیاع کو کم کرنا ہے بلکہ شہریوں میں کفایت شعاری کا شعور بھی اجاگر کرنا ہے۔ دوسری جانب تاجر برادری نے بعض مقامات پر تحفظات کا اظہار کیا ہے، تاہم انتظامیہ نے واضح کیا ہے کہ قومی مفاد میں ان اقدامات پر عملدرآمد ناگزیر ہے۔
شہری حلقوں نے امید ظاہر کی ہے کہ ان اقدامات سے توانائی بحران میں کمی آئے گی اور شہر میں نظم و ضبط بہتر ہوگا۔
About the Author
