محکمہ موسمیات کی وارننگ: تیز ہواؤں، گرج چمک اور برفباری کے نئے سلسلے نے ملک کو لپیٹ میں لے لیا
کراچی سے گلگت تک موسم نے کروٹ بدل لی؛ پہاڑی علاقوں میں برفباری جبکہ میدانی شہروں میں بارشوں کا سلسلہ جاری
محکمہ موسمیات کے مطابق ملک کے مختلف حصوں میں بارش اور برفباری کی تازہ لہر داخل ہو چکی ہے، جس کے باعث سردی کی شدت میں مزید اضافے کی توقع ہے۔ کراچی سمیت سندھ کے کئی شہروں میں بارش کا آغاز ہو چکا ہے، جبکہ بلوچستان، پنجاب، خیبر پختونخوا اور بالائی علاقوں میں گرج چمک کے ساتھ بارش اور پہاڑوں پر برفباری کی پیشگوئی ہے۔ اسلام آباد، لاہور، ملتان، پشاور اور دیگر شہروں میں تیز ہواؤں کے ساتھ بارش کا امکان ظاہر کیا گیا ہے، جبکہ آزاد کشمیر اور گلگت بلتستان میں وقفے وقفے سے برفباری کا سلسلہ جاری رہنے کی توقع ہے۔ ماہرین کے مطابق یہ موسمی نظام چند روز تک برقرار رہ سکتا ہے، جس کے دوران شہریوں کو محتاط رہنے اور غیر ضروری سفر سے گریز کی ہدایت جاری کی گئی ہے۔
About the Author
