سیالکوٹ: سیالکوٹ پولیس نے منشیات فروشوں کے خلاف کارروائی کرتے ہوئے بڑی کامیابی حاصل کر لی۔ پولیس نے ایک کارروائی کے دوران 16 کلو 120 گرام چرس برآمد کرکے ایک ملزم کو گرفتار کر لیا۔
پولیس حکام کے مطابق گرفتار ملزم کے قبضے سے بڑی مقدار میں چرس برآمد ہوئی، جسے قانونی کارروائی کے بعد قبضے میں لے لیا گیا۔ ملزم کے خلاف انسدادِ منشیات کی متعلقہ دفعات کے تحت مقدمہ درج کر کے مزید تفتیش شروع کر دی گئی ہے۔
پولیس کا کہنا ہے کہ منشیات فروشوں کے خلاف بلاامتیاز کارروائیاں جاری رہیں گی اور نوجوان نسل کو منشیات کے ناسور سے محفوظ رکھنے کے لیے سخت اقدامات کیے جا رہے ہیں۔
About the Author
