اسلام آباد: ترجمان دفترِ خارجہ نے ہفتہ وار بریفنگ دیتے ہوئے مشرقِ وسطیٰ کی موجودہ صورتحال پر گہری تشویش کا اظہار کیا ہے۔ ترجمان نے ایران پر ہونے والے حملوں کی شدید مذمت کرتے ہوئے کہا کہ ایسے اقدامات خطے کے امن و استحکام کے لیے خطرہ بن سکتے ہیں۔
ترجمان کا کہنا تھا کہ پاکستان تمام فریقین سے تحمل اور ضبط کا مظاہرہ کرنے کی اپیل کرتا ہے تاکہ کشیدگی میں مزید اضافہ نہ ہو اور صورتحال کو سفارتی ذرائع سے حل کیا جا سکے۔
انہوں نے مزید بتایا کہ وزیراعظم کا حالیہ دورۂ سعودی عرب دونوں ممالک کے درمیان قریبی مشاورت کا حصہ ہے۔ اس دورے میں خطے میں امن و سلامتی اور موجودہ حالات پر تبادلہ خیال کیا جا رہا ہے۔
ترجمان کے مطابق پاکستان خطے میں امن و استحکام کے قیام کے لیے مذاکرات اور سفارتکاری کی حمایت جاری رکھے گا اور تمام فریقین کو بات چیت کے ذریعے مسائل حل کرنے کی ترغیب دیتا رہے گا۔
About the Author
