اسلام آباد: کراچی سمیت ملک بھر کے بجلی صارفین کے لیے بجلی کی قیمتوں میں مزید اضافے کا امکان پیدا ہوگیا ہے۔
سینٹرل پاور پرچیزنگ ایجنسی (سی پی پی اے) نے اگست کی ماہانہ فیول پرائس ایڈجسٹمنٹ کے تحت بجلی کی قیمت میں ایک روپے 73 پیسے فی یونٹ اضافے کی درخواست نیپرا میں جمع کرا دی ہے۔
درخواست پر 29 ستمبر کو سماعت مقرر ہے۔ منظوری کی صورت میں مجوزہ اضافے کا اطلاق کے الیکٹرک کے صارفین پر بھی ہوسکتا ہے۔
سی پی پی اے کے فراہم کردہ اعداد و شمار کے مطابق اگست میں بجلی کی پیداواری لاگت میں مختلف ذرائع کا حصہ شامل رہا۔ فرنس آئل سے بجلی کی لاگت 45 روپے 25 پیسے جبکہ درآمدی ایل این جی سے 45 روپے 92 پیسے فی یونٹ رہی۔
اہم بات یہ ہے کہ بجلی کی قیمت میں اضافہ ابھی منظور نہیں ہوا۔ حتمی فیصلہ نیپرا کی سماعت اور متعلقہ نوٹیفکیشن کے بعد سامنے آئے گا۔
About the Author
