دو ہفتے قبل آنے والے طاقتور زلزلوں کے بعد ہلاکتوں کی تعداد 4,118 تک پہنچ گئی، ہزاروں افراد زخمی جبکہ متعدد عمارتیں ملبے کا ڈھیر بن گئیں۔
وینزویلا میں دو ہفتے قبل آنے والے دو طاقتور زلزلوں کے نتیجے میں جانی نقصان میں مسلسل اضافہ ہو رہا ہے۔ تازہ اعداد و شمار کے مطابق ہلاکتوں کی تعداد 4,118 تک پہنچ گئی ہے، جبکہ 16,740 سے زائد افراد زخمی ہیں۔
رپورٹس کے مطابق 24 جون کو آنے والے 7.2 اور 7.5 شدت کے زلزلوں نے ملک کے مختلف علاقوں میں بڑے پیمانے پر تباہی مچائی۔ زلزلے کے باعث ہزاروں افراد بے گھر ہو گئے اور متعدد رہائشی و تجارتی عمارتیں متاثر ہوئیں۔
سب سے زیادہ متاثر ہونے والے ساحلی علاقے لا گوائرا میں 800 سے زائد عمارتوں کو نقصان پہنچا، جبکہ 190 عمارتیں مکمل طور پر منہدم ہو گئیں۔
امدادی اداروں نے زندہ بچ جانے والوں کی تلاش کا عمل مکمل کر لیا ہے، تاہم متاثرہ خاندان اب بھی اپنے پیاروں کی لاشوں کی تلاش میں مصروف ہیں۔ حکام کے مطابق متاثرہ علاقوں میں امدادی سرگرمیاں اور بحالی کا کام جاری ہے۔
About the Author
