پیٹرولیم لیوی کی مد میں بھاری رقم کی وصولی کے خلاف قانونی جنگ شروع
درخواست گزار کا مؤقف، عوام پر غیر ضروری مالی بوجھ ڈالنے کی کوشش، حکومت سے جواب طلب، پیٹرولیم ڈیویلپمنٹ لیوی کی مد میں اضافی 180 ارب روپے کی وصولی کے معاملے کو لاہور ہائیکورٹ میں چیلنج کر دیا گیا ہے، جس کے بعد یہ معاملہ قانونی اور عوامی توجہ کا مرکز بن گیا ہے۔ درخواست گزار نے مؤقف اختیار کیا ہے کہ حکومت کی جانب سے لیوی میں یہ اضافہ عوام پر غیر ضروری مالی دباؤ ڈالنے کے مترادف ہے اور اس اقدام کو آئینی تقاضوں کے برعکس قرار دیا گیا ہے۔
عدالت سے استدعا کی گئی ہے کہ اس فیصلے کو کالعدم قرار دیتے ہوئے شہریوں کو ریلیف فراہم کیا جائے۔ دوسری جانب ماہرین کا کہنا ہے کہ اس کیس کے نتائج ملک کی مالی پالیسی اور پیٹرولیم مصنوعات کی قیمتوں پر دور رس اثرات مرتب کر سکتے ہیں، جبکہ حکومت کی جانب سے بھی اس حوالے سے مؤقف پیش کیے جانے کا امکان ہے۔
About the Author
