کئی شہروں میں بارش، برفباری اور دھند کی پیشگوئی
“محکمہ موسمیات نے اسلام آباد سے لے کر کوہستان اور گلگت بلتستان تک بارش و برفباری کی نئی الرٹ جاری کر دی — پنجاب کے بیشتر علاقوں میں شدید دھند برقرار”
محکمہ موسمیات نے ملک بھر میں موسم کی صورتحال کے حوالے سے تازہ ترین پیشگوئی میں بتایا ہے کہ مختلف علاقوں میں گرج چمک کے ساتھ بارش اور پہاڑوں پر برفباری کا امکان ہے۔ اسلام آباد اور مری میں مطلع جزوی ابر آلود رہنے کا امکان ظاہر کیا گیا ہے، جبکہ پنجاب کے متعدد اضلاع — لاہور، فیصل آباد، سیالکوٹ، ملتان، رحیم یار خان سمیت — میں شدید دھند چھائے رہنے کی توقع ہے۔ بلوچستان کے کوئٹہ، چمن، زیارت، نوشکی، ژوب، قلات اور تربت سمیت کئی علاقوں میں گرج چمک کے ساتھ بارش کا امکان ظاہر کیا گیا ہے، جبکہ پنجگور، خضدار اور خاران میں تیز ہواؤں کے ساتھ بارش متوقع ہے۔ کوہستان، بٹگرام اور چترال میں بارش اور برفباری جبکہ آزاد کشمیر اور گلگت بلتستان میں بھی چند مقامات پر برفباری کا امکان موجود ہے۔
About the Author
