نامناسب مواد کے الزام پر ٹیلی گرام ایپ عارضی طور پر ایپل اسٹور سے ہٹائی گئی، بعد میں بحال
ٹیکنالوجی کمپنی ایپل نے میسجنگ ایپ ٹیلی گرام کو مختصر وقت کے لیے اپنے ایپ اسٹور سے ہٹا دیا۔ یہ اقدام مبینہ طور پر بچوں کے جنسی استحصال سے متعلق مواد کی موجودگی کے الزام کے بعد اٹھایا گیا۔
ایپل کے ترجمان کے مطابق ٹیلی گرام نے فوری کارروائی کرتے ہوئے متعلقہ مواد حذف کر دیا اور اسے شیئر کرنے والے صارف کا اکاؤنٹ بھی بند کر دیا، جس کے بعد ایپ کو دوبارہ ایپل ایپ اسٹور پر بحال کر دیا گیا۔
یہ پہلا موقع نہیں کہ ٹیلی گرام کو ایسی صورتحال کا سامنا کرنا پڑا ہو۔ 2018 میں بھی ایپل نے نامناسب مواد کے باعث ٹیلی گرام کو عارضی طور پر ایپ اسٹور سے ہٹا دیا تھا، تاہم حفاظتی اقدامات مزید سخت کیے جانے کے بعد ایپ کو دوبارہ دستیاب کر دیا گیا تھا۔
ایپل کا کہنا ہے کہ کمپنی بچوں کے جنسی استحصال سے متعلق مواد کے خلاف زیرو ٹالرنس پالیسی پر عمل کرتی ہے اور ایسی خلاف ورزی سامنے آنے پر فوری کارروائی کی جاتی ہے۔
پاکستان اردو پوائنٹ عوام تک بروقت، مستند اور ذمہ دارانہ خبریں پہنچانے کے لیے پرعزم ہے۔
About the Author
