سندھ کے سینئر وزیر شرجیل میمن کی پریس کانفرنس کے دوران بانی پی ٹی آئی اور عظمیٰ بخاری پر کڑی تنقید
سندھ کے سینئر وزیر شرجیل میمن نے کراچی میں پریس کانفرنس کے دوران بانی پی ٹی آئی اور وزیر اطلاعات پنجاب عظمیٰ بخاری پر کڑی تنقید کی اور کہا ہے کہ جیل میں بانی پی ٹی آئی کا ناخن بھی نہیں ٹوٹا مگر انہوں نے چلانا شروع کردیا عظمیٰ بخاری جس طرح اقتدار میں آئیں بلاول ایسے نہیں آئیں گے۔
کراچی میں پریس کانفرنس کرتے ہوئے شرجیل میمن نے کہا کہ جیل میں بانی پی ٹی آئی کا ناخن بھی نہیں ٹوٹا مگر انہوں نے چلانا شروع کردیا، دو ڈھائی سال کی جیل میں بانی پی ٹی آئی اپنے دشمنوں سے مدد مانگ رہے ہیں، پی ٹی آئی اس طرح کی حرکت نہ کرے، ملک کے مسائل ملک میں ہی رکھیں۔ پیپلز پارٹی نے کبھی قید و بند میں بھی پاکستان کے خلاف بیان نہیں دیا، جس طرح کی صعوبتیں پیپلز پارٹی نے برداشت کی ہیں اس کی مثال نہیں ملتی، ان کا ناخن بھی نہیں ٹوٹا مگر انہوں نے چِلانا شروع کردیا۔جیل سے رپورٹس آرہی ہیں کہ بانی پی ٹی آئی صحت مند ہیں، اچھا کھا رہے ہیں، چھوٹی سی 2 ڈھائی سال کی جیل میں آپ دشمنوں سے مدد مانگ رہے ہیں، پی ٹی آئی ملک کے مسائل ملک میں ہی رکھے۔ پی ٹی آئی کے لوگوں کو مشورہ دونگا کہ اپنی لڑائی عدالتوں میں لڑیں۔
شرجیل میمن نے پنجاب کی وزیر اطلاعات پنجاب عظمیٰ بخاری پر تنقید کی اور کہا کہ عظمیٰ بخاری جس طرح اقتدار میں آئیں بلاول ایسے نہیں آئیں گے ، بلاول عوام کے ووٹوں سے اقتدار میں آئیں گے۔
About the Author
Your article helped me a lot, is there any more related content? Thanks! https://www.binance.com/register?ref=IXBIAFVY