حال ہی میں ریلیز ہونے والی پاکستان مخالف فلم دھریندر میں مرکزی کردار نبھانے والے رنویر سنگھ سے متعلق چونکا دینے والا انکشاف سامنے آیا ہے کہ اداکار کے آباؤ اجداد کا تعلق بھی کراچی سے تھا۔
اس فلم میں رنویر سنگھ نے ایک بھارتی خفیہ ایجنٹ جسکریت سنگھ رنگی کا کردار نبھایا ہے جو دہشتگردی کے خلاف کارروائی کے لیے کراچی کے علاقے لیاری پہنچتا ہے۔
فلم میں یہ کردار روزگار کی تلاش میں آنے والے ایک بلوچ کے روپ میں کراچی داخل ہوتا ہے، اسی لیے رنویر سنگھ آج کل سوشل میڈیا سمیت بھارتی میڈیا پر موضوعِ بحث ہیں۔
حقیقی زندگی میں رنویر سنگھ کا تعلق خود ایک سندھی خاندان سے ہے، ان کا اصل نام رنویر سنگھ بھاونانی ہے اور ان کے والدین کا خاندان 1947 میں تقسیمِ ہند کے بعد کراچی سے ممبئی منتقل ہوا تھا۔
رنویر سنگھ کی سندھی ثقافت سے وابستگی ان کی ذاتی زندگی میں بھی نمایاں ہے، 2021 میں انہوں نے سوشل میڈیا پر اپنے پسندیدہ سندھی کھانوں جیسے سندھی کڑی، چاول اور بوندی کا ذکر کیا تھا۔
یہاں یہ بات بھی قابلِ ذکر ہے کہ رنویر نے اپنی شادی پر اٹلی کے جھیل کومو میں سندھی روایات کے مطابق رسومات ادا کرکے اپنی ثقافتی بنیاد کو خراج تحسین پیش کیا تھا۔
About the Author
Can you be more specific about the content of your article? After reading it, I still have some doubts. Hope you can help me. https://www.binance.com/futures/ref?code=IHJUI7TF