سعودی عرب میں پاکستانی ورکرز کے حقوق سے متعلق اہم ہدایات

Visit My Youtube Channel: https://www.youtube.com/@pakistanurdupoint

سعودی عرب میں کام کرنے والے پاکستانی کارکنوں کے لیے ایک اہم پیش رفت سامنے آئی ہے۔ بیورو آف امیگریشن اینڈ اوورسیز ایمپلائمنٹ نے سعودی عرب میں کام کے اوقات، تنخواہ، اوورٹائم اور آرام سے متعلق تفصیلی رہنما اصول جاری کر دیے ہیں، تاکہ بیرون ملک مقیم پاکستانی ورکرز اپنے قانونی حقوق سے مکمل طور پر آگاہ ہو سکیں۔ جاری کردہ معلومات کے مطابق سعودی عرب میں معیاری کام کے اوقات روزانہ زیادہ سے زیادہ آٹھ گھنٹے یا ہفتہ وار 48 گھنٹے مقرر ہیں۔ ہر ملازم کو ہفتے میں کم از کم ایک مکمل دن کی چھٹی دی جائے گی، جو مسلسل چھ کام کے دنوں کے بعد لازمی ہوگی۔ عام طور پر یہ چھٹی جمعہ کے دن ہوگی، تاہم کام کی نوعیت کے باعث اگر جمعہ کو چھٹی ممکن نہ ہو تو متبادل دن فراہم کیا جائے گا۔ اس کے ساتھ ملازمین کو کام کے دوران آرام کا حق حاصل ہوگا جبکہ نظم و ضبط کی پابندی بھی لازم قرار دی گئی ہے۔